Sällen ihr ruiise Hirsene!





Soo, wels mir grad chli langwiiilig isch, mo etz do d’Wucheendstory ane!!





Friiitig: Tap isch agseit gsi...s’ilis & ich...mer hend den no de Stephano troffe ganz witzig gsi...de sound isch scho zimli geill..e gekonnti abwechslig zum Reggae..! Breakbeats Funk Soul...isch echt suuuuuper...jöö he es „big eye“..isch au det gsi...=) es isch uuu herzig, wenn au bizli struub...aber herzig...wene chlises Chindli luegts eim a...en ruuiiisse „Jööööeffekt“ aber nu jööö..nid meh...nid daser meinet ich seg verschosse...dasch eetz voll nid so gmeint gsi....!

Ich mein min Hund isch au „jööö“ und min Brüeder isch früner au mol „jö“ gsi...ezt ischer eher „Felix halts muul, Felix nerv nid, Felix bitte nid so luut, Felix wow krassi Vans Schueh oder Felix bitte tue bim E-Gitarre spiele ke Verzerrig istelle und bitte d’Lutsärchi vom Verstärcher abeeschruuube und spiel am beschte doch grad wieder akkustischi..danke!“


Wie au immer ich bi vom Thema abcho...zum Glück het üs den de Wipf heigfahre, sehr nett vo ihm! Zum heilaufe wers uf jedefall viel zchalt gsi..und es Taxi zahle..hmm ich weiss nid, da reut mi immer sehr =) De Beck het glücklicherwies am viertel ab drüü scho di 1. Gipfeli parat gha wo mir cho sind (dä Beck bide Scheidegg..echt suuper he!) jojoj das wärrs den gsi...den bini go schlofe.........


Am Samstägli: Scho am halbi 10ni ufsto...leck he nei..und da nu wege Züri....Reggae Fever with Ilis....na ja uf de 11i Zug hets mer nüme glanget...denn simmer hald ersch uf di 12i...ich ha no mini Ichaufslischte möse fertig schriibe und Tunes alose...ha joo alles welle im Chopf ha woni ha welel chaufe odrrrrr...=)

Jo den isches los gange....hrhrhrhrh 103 stutz da got etz aso no....läck he ha ich schöni sache kauft...ufem Satisfaction Riddim oder heisster grooving my girl?(es git ebe no en tune uf dem riddim wo so heisst, de hani aber nid kauft) Vom Lutan stress free und denn ufem gliche riddim aber anders label breaking my heart...etz wird’s sentimental..bitte nid mich uslache..ich ha eifach mitteiligsbedürfnis....ich will mitleid..heheh nei natürli nid...aber ich sege eu ihr rüeblifresser, so öppis schös echt...ich bi aneghocket und ich ha grad chli möse brüele..nei etz echt...da het mi so berührt weiss nid wieso...ke ahnig wa für mich so speziell a dem Tune isch es git jo tuusig so schöni aber glich...heiei Music isch scho öppis schöös...villicht bini au wegem Text so sentimental worde...ich wür eetz sege d’Melodie in combinaion with the lyrics aaachhh eifach unbeschriiblich...ich chaas aber nu lose weni nochher niened ane mues =) mein Hähö wa bi ich nu füre ting he echt...


Jojo ei Platte isch leider kapuut aso schräg sie hüpft we weiss au nid...scheisse da chunt devo weme nid alose tuet...es wer bloody money vom jr.kelly gsi...uuuu huure geil he aber echt heee=) nei echt! Und den hanimer no de Israelites Riddim kauft...da vom tony r. und de queen i. und denn do lenn hammond...jo ich chönt etz au alles ufzelle...zb tenamet yard Riddim..oder ufem flex label..bounty is treasure....wo au wieder sonen neu uffassig vomene uralte ding isch (dasch scho geil he) jojo denn no me aber weiss grad nümme wa alles =) es intressiert alleg au niemerd...wel usser de isa und ab und zue de michelle isch wohl nie öppert do wo öppis vo reggae verstoht oder sich defür intressiert....=(


Jojoj ebe..uf jedefall bini denn nochher bide Isa, womer üsi kaufte Platte igweit hend, voll in Party stimmig cho…. Ich ha jo unbedingt i di Root welle…de Jimmy und co. Hends sichs no welle überlegge, hend mer denn abeer fang noch de 9nä gseit, dass sie nid chömed =( denn hani no chli mit em Stephano gschribe und er het gfunde er wer sofort debi mitm Auto =)denn hani nu no möse d’Isa überrede und siehe da…drüü viertel Stund späädää simmer im Auto ghocket..ich ha we immer schiss gha wenen Opa..echt he uf de Autobahn..nei dasch eifach nid so mis Ding..zum Glück het üs d’Cutty Cd begleitet ahahah…jojo den simmer cho wos scho recht viel people gha het…isch am afang no chli fridlicher gsi den voll abagnge..de Rodigan isch jo echt öppis ganz speziells..praktisch nume Duplates…aber voll abgange…läck he mit sinere Brülle..ich ha jo nümme chöne…immer zum sini Tunes useseuche het er si schnell agleit, und den grad wieder abzoge…zum glück heter den au mol chli abegschruubet mit em sound..und den hetter sogar justind hinds brocht (de verstoot echt öppis heheh) usw so alti Sache, wa mich natürli bsunder gfreut het..jojo mir sind den noch de viere, geg di halb 5i wider heigfahre…ha enn au rechti schmerze wieder gha…he geil i de rote hets bröötli zum Esse ge, da chöntets die Kamm au mol mache =)

Jojo den bini wieder go schlofe mit de Ussicht, am nögschte Morge schowieder früä ufzstoh…mir sind jo bis Wipfs iglade gsi…


So chömmer au scho zum Abschluss vo dem Week end…isch kuul gsi..de ganz Sunntig gässä & Film glueget im geile Wipf-Home-cinema..jojo den fang am halbi 9ni am Obed hei cho und absoolut kapuut is bett gheit….und vom mäntig morge redi etz nid….!!


Machets all guet!

Freu mi scho ufs nöchscht week end…friitig uf solothurn is Kofmel wo rathole e konzert amne bandcontest het..(hoffentli günnets…au..mir gönd den mitem fanbüsli ane =)…) und den am samschtig Jamaicanvibes au geil freui mi sehr…(au uf dich Michelle..hoffentli wird’s guet)



Tschäu ihr säu