Augustdepression !!!

Sorry!!!

tuät mir mega leid dass ich üsern blog eifach so verwüäste aber ich bi leider soo ä arms und ha i moment nüt bessers z'duä. ich mein sisch jo scho nid zum glaube, jetzt häts no ä freii stell in sursee da isch irgendwo z luzern...da isch jo schön und guät aber wer will scho noch luzern? sisch zwor glaub ziehmlich schön döt aber sorry ich will eigentlich nid würklich weg vo do! do sind all mini kollege (also sooo viell kollege hani jo nid aber da isch i moment grad näbädsach =)) ich bi grad nid idä beste vorfassig also mit realitismus oder wiämä da au immer will sägä chani i moment grad gar nüt afange) und do z neuhuse ischs doch so wundertoll (also i mim quartier würklich) und z schaffhuse isch immer sooo viell los....
also wiso söll ich jetzt noch sursee?! ussertdäm uf züri willi grad au nid da isch no viell schlimmer. vor allem jetzt isch jo grad street parade gsi (sorry aber da find ich jo au voll blöd aber da isch halt nu mini meinig) und det ischs jetzt sowiso mega hässlich. jo eigentlich chame sägä in züri ischs ganz johr street parade...zsss

ich bi gard zum entschluss cho...ziiit isch doof...s wetter isch doof...bäum sind doof...dä compi isch doof...dä kaffi isch doof...ich bi doof...luft isch doof...alles doof...!!!!!

tja aslo so gots eim wämä eifach numä feriä hät und niä ä stell find eifach nu dä hei umähockt und ab und zuä id autofahrstund got zum lerne autofahre!!!! betonig zum lerne...aber da wird ich jo sowiso nid...also di ersti bühle hani jo au scho gmacht (leider mit üserm auto und nid mit däm vom fahrlehrer) vo däm her. aber mä cha sägä isch wenigstens chli ä abwechslig...oder!

Also s' langet glaub für hüt...ich cha mich jo doch mol no chli wiiter uf suächi macher noch änorä stell. wer weiss viellicht hani jo mol glück....
(mir mönd jetzt jo nüüüt sägä. ha jetzt grad wiedor chli optimismus übercho, also muämä da usnutze so langs no ahebät)